നടി നൂറിൻ ഷെരീഫ് വിവാഹിതനാകുന്നു. നടനും തിരക്കഥാകൃത്തുമായ ഫാഹിം സഫറാണ് വരൻ. ഇരുവരും ഏറെക്കാലമായി അടുത്ത സുഹൃത്തുക്കളാണ് ഇവർ.
ജോലിക്കിടെ പരിചയപ്പെട്ട ഞങ്ങള് സുഹൃത്തുക്കളായി ആരംഭിച്ചു. അതിന് ശേഷം ഏറ്റവും അടുത്ത സുഹൃത്തുക്കളായി. പിന്നീട് ആത്മമിത്രങ്ങളായി. ഈ യാത്ര സ്നേഹവും സന്തോഷവും നിറഞ്ഞതാണ്- വിവാഹനിശ്ചയത്തിന്റെ ചിത്രങ്ങള് പങ്കുവച്ച് നൂറിന് കുറിച്ചു.
ജൂണ്, മാലിക്, ഗാങ്സ് ഓഫ് 18, മധുരം തുടങ്ങിയ ചിത്രങ്ങളിലൂടെയാണ് ഫഹീം സഫര് ശ്രദ്ധനേടുന്നത്. മധുരത്തിന്റെ തിരക്കഥാകൃത്തുക്കളില് ഒരാളാണ്.
കൊല്ലം സ്വദേശിയായ നൂറിൻ മികച്ച നർത്തകിയാണ്. 2017ൽ ഒമർ ലുലു സംവിധാനം ചെയ്ത ചങ്ക്സ് എന്ന ചിത്രത്തിലൂടെയാണ് നൂറിൻ സിനിമയിൽ അരങ്ങേറ്റം കുറിച്ചത്. ഒരു അഡാർ ലവ് എന്ന ചിത്രത്തിലൂടെയാണ് നായികയായത്. സാന്താക്രൂസ്, വെള്ളേപ്പം, ബര്മൂഡ തുടങ്ങിയവയാണ് മറ്റു ചിത്രങ്ങള്.
ബേക്കലിലെ ഒരു റിസോര്ട്ടില് വച്ചായിരുന്നു ചടങ്ങുകള്. അടുത്ത കുടുംബാംഗങ്ങളും സുഹൃത്തുക്കളുമാണ് ചടങ്ങില് പങ്കെടുത്തത്
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
