കോണ്ഗ്രസ് അധ്യക്ഷ തെരഞ്ഞെടുപ്പില് എഐസിസി നേതൃത്വത്തിനെതിരെ വിമര്ശനം കടുപ്പിച്ച് ശശി തരൂര്. ഗാന്ധി കുടുംബത്തിനും തെരഞ്ഞെടുപ്പ് സമിതിക്കുമപ്പുറം ചിലര് കാര്യങ്ങള് നിയന്ത്രിക്കാന് ശ്രമിക്കുകയാണെന്ന് ശശി തരൂര് കുറ്റപ്പെടുത്തി. അതേസമയം, പിസിസികള്ക്കെതിരായ ശശി തരൂരിന്റെ പരാതി തെരഞ്ഞെടുപ്പ് സമിതി ഉടന് പരിഗണിക്കില്ല.അതെ സമയം മല്ലികാര്ജ്ജുന് ഖാര്ഗെക്ക് ഊഷ്മള സ്വീകരണമാണ്. ഖാര്ഗെക്ക് വേണ്ടി വോട്ട് തേടാന് പ്രധാന നേതാക്കളെല്ലാം രംഗത്തെത്തി. മറുവശത്ത് ശശി തരൂരുമുണ്ട്. തെരഞ്ഞെടുപ്പ് പ്രചാരണം അട്ടിമറിക്കാന് എഐസിസിസി തലപ്പത്ത് നിന്ന് ഉന്നത തല ഇടപെടലുണ്ടായെന്നാണ് തരൂര് കരുതുന്നത്. ഔദ്യോഗിക സ്ഥാനാര്ത്ഥിയില്ലെന്ന് ഗാന്ധി കുടുംബവും, തെരഞ്ഞെടുപ്പ് സമിതിയും ആവര്ത്തിക്കുന്നു. എങ്കില് പിന്നെ ഖാര്ഗെക്ക് പിന്നില് മുഴുവന് സംവിധാനവും അണിനിരക്കുന്നതെന്തിനെന്ന ചോദ്യമാണ് തരൂര് ഉന്നയിക്കുന്നത്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
