പൊതുപരിപാടിക്കിടെ വെടിയേറ്റ ജപ്പാന് മുന് പ്രധാനമന്ത്രി ഷിന്സോ ആബേയുടെ നില അതീവഗുരുതരം. വെടിയേറ്റതിന് പിന്നാലെ അദ്ദേഹത്തിന് ഹൃദയാഘാതമുണ്ടായെന്നും റിപ്പോര്ട്ട്. നരാ പട്ടണത്തില് പ്രചരണ പരിപാടിയില് സംസാരിക്കുന്നതിനിടെയാണ് ഷിന്സോ ആബെയ്ക്ക് വെടിയേറ്റത്. പ്രാദേശികസമയം രാവിലെ 11.30-ഓടെയായിരുന്നു സംഭവം. പ്രസംഗിക്കുന്നതിനിടെ ആബെയുടെ പിന്നിലൂടെ എത്തിയ 40 വയസ്സ് തോന്നിക്കുന്നയാളാണ് വെടിയുതിര്ത്തതെന്നാണ് റിപ്പോര്ട്ട്. ഇയാളെ പോലീസ് കസ്റ്റഡിയിലെടുത്തിട്ടുണ്ട്. വെടിവെയ്ക്കാന് ഉപയോഗിച്ച തോക്കും ഇയാളില്നിന്ന് പിടിച്ചെടുത്തു. രണ്ടാമത്തെ വെടിയേറ്റതിന് പിന്നാലെ ആബെ നിലത്തുവീഴുകയായിരുന്നു. ചോരയൊലിക്കുന്ന നിലയിലാണ് അദ്ദേഹത്തെ പിന്നീട് ആശുപത്രിയിലേക്ക് മാറ്റിയത്. അതേസമയം, ആബെയ്ക്ക് നേരേ വെടിയുതിര്ത്ത ആളെക്കുറിച്ചുള്ള കൂടുതല് വിവരങ്ങള് പുറത്തുവന്നിട്ടില്ല. ആക്രമണത്തിന് കാരണമെന്താണെന്നും വ്യക്തമല്ല. തോക്കുകള് ഉപയോഗിക്കുന്നതിന് ശക്തമായ നിയന്ത്രണങ്ങളും നിയമങ്ങളും നിലവിലുള്ള രാജ്യമാണ് ജപ്പാന്. അതിനാല്തന്നെ വെടിവെയ്പ്പുകളും ഇവിടെ കുറവാണ് . 2012 മുതല് നീണ്ട എട്ടുവര്ഷക്കാലം തുടര്ച്ചയായി രാജ്യത്തിന്റെ പ്രധാനമന്ത്രിയായി. ഒടുവില് 2020-ല് ആരോഗ്യപ്രശ്നങ്ങളെ തുടര്ന്ന് അദ്ദേഹം പ്രധാനമന്ത്രി പദവിയില്നിന്ന് രാജിവെച്ചൊഴിയുകയായിരുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
