കോഴിക്കോട്; ഖത്തറിൽ ലോകകപ്പിന് തിരികൊളുത്താൻ ദിവസങ്ങൾ മാത്രം ബാക്കി നിൽക്കെ മലബാറിൽ ഫുട്ബോൾ ആവേശം ഉയരുകയാണ്. പ്രധാനമായും അർജന്റീന, ബ്രസീൽ ടീമുകളുടെ ആരാധകരാണ് കൂടുതൽ. ഇംഗ്ലണ്ട്, ജർമ്മനി, സ്പെയിൻ, ഹോളണ്ട്, ഫ്രാൻസ് ടീമുകൾക്കും നൂറുകണക്കിന് ആരാധകരുണ്ട് ഈ കൊച്ചു കേരളത്തിൽ. ഇഷ്ട ടീമുകൾ തമ്മിലുള്ള തർക്കങ്ങളും വാഗ്വാദങ്ങളും പതിവുപോലെ പുരോഗമിക്കുകയാണ്. മത്സരബുദ്ധിയുള്ള ആരാധകർക്കിടയിൽ പ്രിയപ്പെട്ട കളിക്കാരുടെ കട്ടൗട്ടുകൾ സ്ഥാപിക്കുന്നതാണ് ആവേശത്തിന്റെ മറ്റൊരു മുഖം. കോഴിക്കോട് കൊടുവള്ളിക്കടുത്ത് പുള്ളാവൂരിലെ ചെറുപുഴയിൽ വെള്ളത്തിന് നടുവിൽ തലയുയർത്തി നിൽക്കുന്ന അർജന്റീനിയൻ താരം ലയണൽ മെസ്സിയുടെ കൂറ്റൻ കട്ടൗട്ടാണ് ഇപ്പോൾ സോഷ്യൽ മീഡിയയിലെ താരം. ഇതിനോടകം വൈറലായ പോസ്റ്റിന് പതിനയ്യായിരത്തോളം ലൈക്കുകളാണ് ലഭിച്ചത്. നൂറുകണക്കിന് പേരാണ് പോസ്റ്റ് ഷെയർ ചെയ്യുകയും കമന്റ് ചെയ്യുകയും ചെയ്തത്.
അർജന്റീന ആരാധകർ കട്ടൗട്ടുകളുമായി പോയി നദിയിൽ വയ്ക്കുന്നതിന്റെ വീഡിയോകൾ സോഷ്യൽ മീഡിയയിൽ ഷെയർ ചെയ്യുകയും ഇപ്പോൾ വൈറലാവുകയും ചെയ്യുന്നു. ഇതിനുപുറമെ, അർജന്റീന ടീമിന്റെ ഔദ്യോഗിക ഫെയ്സ്ബുക്ക് പേജും രാജ്യാന്തര മാധ്യമങ്ങളും ഈ ചിത്രം പങ്കുവെച്ചതോടെ മെസ്സിയുടെ പുള്ളാവൂരിലെ ചിത്രം ആഗോളതലത്തിൽ വൈറലായിരിക്കുകയാണ്. പുല്ലാവൂരിലെ പുഴയിൽ മെസ്സിയുടെ ചിത്രം ഫോക്സ് സ്പോർട്സ് ഉൾപ്പെടെയുള്ള രാജ്യാന്തര മാധ്യമങ്ങൾ പങ്കുവെച്ചതോടെ ഇത് ലോകമെങ്ങും ശ്രദ്ധിക്കപ്പെട്ടു. ഇതോടെ പുള്ളാവൂർ നിവാസികളുടെ ഫുട്ബോൾ ആവേശം വാനോളം ഉയർന്നിരിക്കുകയാണ്.
1986ല് മെക്സികോയില് നടന്ന ലോകകകപ്പിനുശേഷം പിന്നീടൊരു ലോകകപ്പ് കിരീടം ഉയര്ത്താന് കഴിയാത്ത അര്ജന്റീനക്ക് വേണ്ടി ലയണല് മെസ്സി എന്ന നായകന്റെ പേരില് ഒരു ലോകകപ്പെന്ന സ്വപ്നവുമായാണ് അര്ജന്റീന താരങ്ങള് ഖത്തറില് പന്തുതട്ടാനിറങ്ങുന്നത്. എല്ലാ യോഗ്യതാ മത്സരങ്ങളിലും മികച്ച പ്രകടനം നടത്തിയാണ് അർജന്റീന ലോകകപ്പിന് യോഗ്യത നേടിയത്. ചെറിയ പിഴവുകൾക്ക് പോലും ടീമിന് ഏറെ വിമർശനങ്ങൾ നേരിടേണ്ടി വന്നിട്ടുണ്ട്. ലണ്ടൻ ആസ്ഥാനമായുള്ള സ്റ്റോക്ക് ബ്രോക്കർ ഈ വർഷത്തെ ലോകകപ്പ് അർജന്റീന നേടുമെന്ന് പ്രവജിക്കുകയും ചെയ്തു.
മലപ്പുറം, കോഴിക്കോട്, കണ്ണൂർ, കാസർകോട്, വയനാട് ജില്ലകളിൽ വരും ദിവസങ്ങളിൽ ഫുട്ബോൾ ആവേശം അതിന്റെ പാരമ്യത്തിലെത്തും. ഫുട്ബോൾ ലോകകപ്പിനെ വരവേൽക്കാൻ നാടും നഗരവും ഒരുങ്ങിക്കഴിഞ്ഞു. വരും ദിവസങ്ങളിൽ കൂടുതൽ കട്ടൗട്ടുകളും ഫ്ലക്സുകളും ഉയരും. ഇക്കാര്യത്തില് മലബാറില് എവിടെയും ആരാധകര് തമ്മില് ശക്തമായ മത്സരമാണ് നടക്കുന്നത്.
La increíble gigantografía de #Messi en India 🇮🇳
— TyC Sports (@TyCSports) October 31, 2022
Un grupo de fanáticos colocó una enorme imagen del astro argentino en un medio de un río del estado de Kerala. ¡Mirá!https://t.co/OLnXF2tDCY
🤯🔟 Fanáticos de la Selección Argentina de Kerala, India, hicieron este tremendo gigantografía para Messi y la instalaron en medio de un río
— Diario Olé (@DiarioOle) October 31, 2022
📸 hondaboys_pullavoor pic.twitter.com/9hAqeUCmue
Lionel Messi is adored in Kerala 🔥 🤯
— GOAL India (@Goal_India) October 31, 2022
Effort by Argentina fans Pullavoor in Kerala, India 🤩
📹 credits: Argentina Fans Pullavoor 👌
📸 @Rlzw4n pic.twitter.com/9YfYNJVJeI
LA LOCURA ES TOTAL 😍🇦🇷
— TNT Sports Argentina (@TNTSportsAR) October 31, 2022
Gigantografía de Lionel Messi en Kozhikode, Kerala 🇮🇳
📸 @Rlzw4n pic.twitter.com/xxyxfuZSIk
En Pullavoor, un pequeño pueblo de la India, pusieron una gigantografía de Messi en medio del río. pic.twitter.com/nwOZWjACxb
— FOX Sports Argentina (@FOXSportsArg) October 31, 2022
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.