പോഷകങ്ങളാൽ സമ്പുഷ്ടമാണ് ഈന്തപ്പഴം. ഇവ വിറ്റാമിനുകളുടെ കലവറയാണ്. കൂടാതെ ഫൈബര്, പ്രോട്ടീന്, കാത്സ്യം, ഇരുമ്പ്, പൊട്ടാസ്യം, ഫോസ്ഫറസ്, മഗ്നീഷ്യം, സിങ്ക് തുടങ്ങിയ പോഷകങ്ങളും ഈന്തപ്പഴത്തിലുണ്ട്. രാത്രി ഉറങ്ങുന്നതിന് മുമ്പ് രണ്ട് ഈന്തപ്പഴം വീതം കഴിക്കുന്നത് കൊളസ്ട്രോള് കുറയ്ക്കാനും ഹൃദയാരോഗ്യം സംരക്ഷിക്കാനും സഹായിക്കും. ഈന്തപ്പഴത്തിലെ മഗ്നീഷ്യം, പൊട്ടാസ്യം എന്നിവയുടെ സാന്നിധ്യം രക്തസമ്മർദ്ദം നിയന്ത്രിക്കുന്നതിനും സഹായിക്കുന്നു. എല്ലുകളുടെ ആരോഗ്യത്തിനും ഇവ നല്ലതാണ്.
ഉയർന്ന അളവിൽ ഫൈബർ അടങ്ങിയിട്ടുള്ളത് കൊണ്ട് രണ്ട് ഈന്തപ്പഴമൊക്കെ പ്രമേഹ രോഗികള്ക്കും കഴിക്കാം. ഈന്തപ്പഴത്തിന്റെ ഗ്ലൈസെമിക് ഇൻഡക്സ് കുറവാണ്. ആന്റി ഓക്സിഡന്റുകള് ധാരാളം അടങ്ങിയ ഇവ തലച്ചോറിന്റെ ആരോഗ്യത്തിന് ഏറെ നല്ലതാണ്. ശരീരത്തില് ഇരുമ്പിന്റെ അംശം കൂടാനും വിളര്ച്ചയെ തടയാനും ഈന്തപ്പഴം കഴിക്കുന്നത് നല്ലതാണു . ഈന്തപ്പഴം ദഹനം എളുപ്പമാകാനും സഹായിക്കും. ഫൈബര് ധാരാളം അടങ്ങിയ ഇവ മലബന്ധം അകറ്റാനും ഗുണം ചെയ്യും. കുടലിന്റെ ആരോഗ്യത്തിനും പതിവായി ഈന്തപ്പഴം കഴിക്കാം. രോഗ പ്രതിരോധശേഷി വര്ധിപ്പിക്കാനും ഈന്തപ്പഴം സഹായിക്കും. ആന്റി ഓക്സിഡന്റസ് ധാരാളം അടങ്ങിയ ഈന്തപ്പഴം ചര്മ്മത്തിന്റെ ആരോഗ്യത്തിനും നല്ലതാണ്.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.