കോഴിക്കോട്: മലയാള സിനിമ ഇതുവരെ പറഞ്ഞിട്ടില്ലാത്ത പ്രമേയവുമായി ബഹറിന് മീഡിയസിറ്റി ഫിലിം പ്രൊഡക്ഷന്റെ (BMC) ‘അനക്ക് എന്തിന്റെ കേടാ’ എന്ന ഫീച്ചർ ഫിലിം ചിത്രീകരണം ആരംഭിക്കുന്നു.
മാധ്യമപ്രവർത്തകൻ ഷമീർ ഭരതന്നൂർ രചനയും സംവിധാനവും നിർവ്വഹിച്ച് ഫ്രാൻസിസ് കൈതാരത്ത് നിർമ്മിക്കുന്ന സിനിമയുടെ ചിത്രീകരണം കോഴിക്കോട് ചാത്തമംഗലം പാഴൂരിൽ ആരംഭിക്കും.
ബിഎംസി ഫിലിം പ്രൊഡക്ഷൻസിന്റെ ബാനറിൽ അവതരിപ്പിക്കുന്ന ചിത്രത്തിൽ അഖില് പ്രഭാകര്, സായികുമാര്, സുധീര് കരമന, മധുപാല്, വിജയകുമാര്, ശിവജി ഗുരുവായൂര്, റിയാസ് നെടുമങ്ങാട്, കലാഭവന് നിയാസ്, സ്നേഹ അജിത്ത്,വീണാനായര്, ഭരതന്നൂര് ശാന്ത തുടങ്ങിയവരും അഭിനയിക്കുന്നു. സംവിധായകൻ സക്കറിയയും അനുറാമും ചിത്രത്തിൽ അതിഥി വേഷത്തിൽ എത്തുന്നുണ്ട്.
ചിത്രത്തിന്റെ സ്വിച്ച് ഓൺ കർമം 2022 നവംബർ 18 വെള്ളി രാവിലെ 7.30 ന് കോഴിക്കോട് ചാത്തമംഗലം പഞ്ചായത്തിലെ പാഴൂരിൽ ബഹുമാനപ്പെട്ട പി.ടി.എ. റഹീം എം.എൽ.എ നിർവഹിക്കും.
ചടങ്ങിൽ കഥാകൃത്ത് പി.കെ. പാറക്കടവ്, കലിക്കറ്റ് പ്രസ് ക്ലബ് പ്രസിഡണ്ട് എം. ഫിറോസ് ഖാൻ, ചാത്തമംഗലം ഗ്രാമപഞ്ചായത്ത് പ്രസിഡന്റ് ഓളിക്കൽ ഗഫൂർ, ഗ്രാമപഞ്ചായത്ത് അംഗം വത്സലകുമാരി, ജലീൽ പാഴൂർ, സമീൽ ഫോർവിഷ്, എ. ബിജുനാഥ് തുടങ്ങിയവർ സംബന്ധിക്കും.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
