കോഴിക്കോട്: ഖത്തറിൽ നടക്കുന്ന ഫുട്ബോൾ ലോകകപ്പിന് ദിവസങ്ങൾ മാത്രം ബാക്കി നിൽക്കെ കേരളത്തിൽ പ്രത്യേകിച് മലബാറിൽ ദിനംപ്രതി ആവേശം കൂടിവരികയാണ്. എല്ലാ വർഷത്തേയും പോലെ ഇത്തവണയും അർജന്റീന-ബ്രസീൽ ആരാധകരാണ് കേരളത്തിലെ ഫുട്ബോൾ ആഘോഷങ്ങളുടെ മുൻനിരയിൽ. കോഴിക്കോട് പുള്ളാവൂരില് ചെറുപുഴയിൽ സൂപ്പർ താരം ലയണൽ മെസ്സിയുടെ കൂറ്റൻ കട്ടൗട്ട് അർജന്റീന ആരാധകർ സ്ഥാപിച്ചിരുന്നു.
ഇതിനോട് പ്രതികരിച്ച് രംഗത്തെത്തിയിരിക്കുകയാണ് പ്രദേശത്തെ ബ്രസീൽ ആരാധകർ. മെസിപ്പട സ്ഥാപിച്ച കട്ടൗട്ടിന് മുന്നിൽ ‘സുൽത്താൻ’ ആരാധകർ ഇഷ്ടതാരത്തിന്റെ കട്ടൗട്ട് സ്ഥാപിച്ചു. ബ്രസീലിയൻ സൂപ്പർതാരത്തിന്റെ കട്ടൗട്ടിന് 35 അടി ഉയരമുണ്ട്. നെയ്മർ കട്ടൗട്ട് കെട്ടാൻ ബ്രസീൽ ആരാധകർ വലിയ കൊട്ടിഘോഷത്തോടെയാണ് എത്തിയത്.
പുള്ളാവൂരില് നെയ്മറുടെ കൂറ്റന് കട്ടൗട്ട് സ്ഥാപിച്ച് ബ്രസീല് ആരാധകര്
അർജന്റീന ആരാധകരെ വാശി പിടിപ്പിക്കാന് മുന് കാലങ്ങളില് ബ്രസീല് ഉയര്ത്തിയ ലോകകപ്പുമായാണ് ആരാധകര് പുഴയിലെത്തിയത്. 1958, 1962, 1970, 1994, 2002 വർഷങ്ങളിൽ ബ്രസീൽ ലോകകപ്പ് ഉയർത്തിയപ്പോൾ 1978ലും 1986ലും അർജന്റീന ജേതാക്കളായി. ഫുട്ബോൾ മാഹാത്മ്യത്തിന് നാളുകൾ എണ്ണി ശ്വാസം മുട്ടി കാത്തിരുന്നപ്പോൾ ആവേശം ആളിക്കത്തിച്ചത് അർജന്റീനിയൻ ആരാധകരായിരുന്നു.
കോഴിക്കോട് പുള്ളാവൂരിലെ ചെറുപുഴയിൽ അർജന്റീന ആരാധകർ സ്ഥാപിച്ച ലയണൽ മെസിയുടെ കൂറ്റൻ കട്ടൗട്ട് അന്താരാഷ്ട്ര മാധ്യമങ്ങളിൽ വരെ വാര്ത്തായിയരുന്നു. ഇതിന് പിന്നാലെയാണ് ഇഷ്ടതാരത്തിന്റെ കട്ടൗട്ടുമായി ബ്രസീലിയൻ ആരാധകരും എത്തിയത്. അർജന്റീനിയൻ ടീമിന്റെ ഔദ്യോഗിക ഫെയ്സ്ബുക്ക് പേജും ചിത്രം പങ്കുവെച്ച് കേരളത്തിലെ അർജന്റീന ആരാധകരുടെ ആഘോഷത്തിൽ പങ്കു ചേർന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
