ലൈംഗിക ബന്ധത്തിൽ പലപ്പോഴും വരുന്ന ഒരു പ്രശ്നമാണ് ശീഘ്രസ്ഖലനം. എന്നാല് ശീഘ്രസ്ഖലനം പോലെതന്നെ ലൈംഗിക ബന്ധത്തിലെ സംതൃപ്തിയെ കെടുത്തുന്ന ഒന്നാണ് പങ്കാളികളില് ഉണ്ടാകുന്ന വൈകിയുള്ള സ്ഖലനം. ആവശ്യത്തിന് ഉത്തേജനവും ലൈംഗിക ചോദനയുമെല്ലാം ലഭിച്ചിട്ടും ഒരാളില് സ്ഖലനം സമയത്തിന് നടക്കാത്തത് ലൈംഗിക പങ്കാളിയില് നിരാശയുണ്ടാക്കും. ലൈംഗിക ബന്ധത്തില് രതിമൂര്ച്ഛ പ്രധാനമാണെന്നതിനാല് ഇതിന് വരുന്ന കാലതാമസം പങ്കാളികള്ക്കിടയിലെ അടുപ്പവും കുറയ്ക്കാനിടയുണ്ട്. പ്രത്യുത്പാദന ശേഷിയെയും വൈകി വരുന്ന സ്ഖലനം ബാധിക്കാം.
ഇനി പറയുന്നവയാണ് വൈകിയുള്ള സ്ഖലനത്തിന് പിന്നിലുള്ള കാരണങ്ങൾ
മാനസികമായ പ്രശ്നങ്ങള് ഉത്കണ്ഠ, വിഷാദരോഗം, സമ്മര്ദം, ലൈംഗിക ബന്ധത്തില് മികച്ച പ്രകടനം കാഴ്ച വയ്ക്കാനാകുമോ എന്ന ആശങ്ക, പങ്കാളിയുമായിട്ട് മാനസിക അടുപ്പമില്ലായ്മ, റിലേഷന്ഷിപ്പ് പ്രശ്നങ്ങള് എന്നിവയെല്ലാം വൈകിയുള്ള സ്ഖലനത്തിന് കാരണമാകാം.
ആന്റീഡിപ്രസന്റുകൾ, ആന്റി സൈക്കോട്ടിക്സ്, രക്തസമ്മർദ്ദത്തിനുള്ള മരുന്നുകൾ എന്നിവയെല്ലാം സ്ഖലനത്തെ ബാധിക്കും. അമിതമായ മദ്യപാനവും മയക്കുമരുന്ന് ഉപയോഗവും സ്ഖലനത്തെ മാത്രമല്ല, ലൈംഗിക ശേഷിയെയും മൊത്തത്തിൽ ബാധിക്കും.
പ്രമേഹം, മള്ട്ടിപ്പിള് സ്ക്ളീറോസിസ്, നട്ടെല്ലിനുണ്ടായ പരുക്ക്, ഹോര്മോണല് അസന്തുലനം, പ്രോസ്റ്റേറ്റ് ഗ്രന്ഥിക്കുണ്ടാകുന്ന പ്രശ്നങ്ങള് എന്നിവയെല്ലാം സ്ഖലനത്തെയും രതിമൂര്ച്ഛയെയും ബാധിക്കാം.
സ്ഖലനം വൈകുന്നതിന്റെ കാരണങ്ങൾ കണ്ടുപിടിച്ചശേഷം അതിനനുസരിച്ചുള്ള ചികിത്സയാണ് ഡോക്ടർമാർ തീരുമാനിക്കുക. കൗൺസിലിംഗ്, കോഗ്നിറ്റീവ് ബിഹേവിയറൽ തെറാപ്പി, സെക്സ് തെറാപ്പി എന്നിവയെല്ലാം ഇതിനായി ഉപയോഗിക്കുന്നു. ഏതെങ്കിലും മരുന്നുകൾ ഈ അവസ്ഥയ്ക്ക് കാരണമാകുന്നുണ്ടെങ്കിൽ, അവയുടെ അളവ് വ്യത്യസ്തമായിരിക്കാം അല്ലെങ്കിൽ പാർശ്വഫലങ്ങൾ കുറവുള്ള മറ്റ് മരുന്നുകൾ ശുപാർശ ചെയ്തേക്കാം. കാരണം ഹോർമോൺ അസന്തുലിതാവസ്ഥയാണെങ്കിൽ ഹോർമോൺ തെറാപ്പിയും നിർദ്ദേശിക്കപ്പെടാം. ചികിത്സാ പദ്ധതിയിൽ പങ്കാളിയെയും ഉൾപ്പെടുത്തുന്നത് നല്ലതാണ്. ഉപകരണങ്ങളിൽ നിന്നുള്ള വൈബ്രേറ്ററി ഉത്തേജനം ചിലർക്ക് പ്രവർത്തിച്ചേക്കാം.
ഈ അവസ്ഥയിലൂടെ കടന്നുപോകുന്നവർ ഡോക്ടറെ കണ്ട് ആവശ്യമായ ചികിത്സ തേടേണ്ടത് അത്യാവശ്യമാണ്. പ്രത്യുൽപാദന ശേഷിയെയും തൃപ്തികരമായ ലൈംഗിക ബന്ധത്തെയും ബാധിക്കുന്നതിനാൽ ചികിത്സ വൈകുന്നത് പ്രതികൂല ഫലങ്ങൾ ഉണ്ടാക്കുമെന്നും ഡോക്ടർമാർ പറയുന്നു.
പ്രസ്സ്ലൈവ് ഓൺലൈൻ വാർത്തകൾ വാട്സ്ആപ് ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പിൽ അംഗമാകാൻ ഈ ലിങ്കിൽ ക്ലിക്ക് ചെയ്യുക.
